最近天氣開始凍咗好多，成日都好想食羊腩煲暖吓身，比我發現屋企附近「金多寶」海鮮私房菜啱啱推出咗一款砂鍋麻辣羊腩煲，一向鍾意食辣嘅我，當然唔會錯過喇﹗呢間私房菜位置好近楓樹街球場，出面就咁望好似一般茶餐廳，不過佢有做海鮮火鍋放題，百幾蚊任食，所以平時都有唔少街坊會去幫襯。

入面裝修非常平民化，可以話係高級少少嘅大排檔格局，座位方面大約有6張枱左右，坐低都唔算太迫夾，餐具同環境都唔太差，如果大家有興趣想試，最好都係book定枱會比較好啲。

餐牌上面都有唔少食物選擇，不過有啲菜式同湯水就要提早預訂，所以大家book枱嗰陣最好同餐廳溝通一吓會穩陣啲，費時去到叫咩無咩，影響食飯心情。今次主要想試個砂鍋麻辣羊腩煲，所以另外都叫咗幾款小菜。

餐牌上面見有推介呢款黃金鮮魷，一向都好鍾意食香口食物，所以見佢有推介就點嚟試一試。上菜一睇，無咩點擺碟，不過色澤都唔錯，而且即叫即整，食嘅時候都仲熱辣辣。

咸蛋黃味都幾出，唔算太咸或者太淡，而魷魚方面好新鮮彈牙，又夠肥美。不過就唔係話勁脆身嗰種，兩個人食嚟講份量都算多，最後都有食剩少少，總括嚟講都可以一試。

到主角砂鍋麻辣羊腩煲，一開頭仲以為同平時啲羊腩煲咁會有個爐煲住，但原來唔係，只係會上個砂鍋，要打邊爐的話，要另外要求。個砂鍋麻辣羊腩煲入面有枝竹、有啲蔥、有少少菜，但就無跟生菜。

一煲入面有10舊羊腩，每舊都有細骨位，脂肪同肉嘅比例都唔錯，而且炆得夠腍，味道方面都幾香濃，而且唔係好辣，食唔到辣嘅人都可以接受到，而鍾意食辣嘅朋友就記得一定要加辣。枝竹好入味，連啲配菜都幾好食。3百幾蚊嚟講份量係ok，不過我都係鍾意有個爐熱住食正啲。

另外，見到有我最鍾意食嘅干扁四季豆，於是都點咗一份。我同老公都覺得呢個餸做得好出色，味道好香口，辣度又夠適中，而且入面仲有啲蝦乾，配白飯真係一流。

 

最近工作比較忙，好長一段時間都無分享自己嘅護膚心得，不過呢幾個月我一直用緊呢支CLARINS Double Serum 賦活雙精華，仲不知不覺用到空瓶添﹗老實講，我屋企有差唔多30-40支精華，支支都用到一半已經放埋一邊，可以用到空瓶而又想回購嘅真係唔多﹗開頭買呢支 Double Serum 賦活雙精華，係因為好多Youtuber、明星同美容編輯都有推介，之後到自己用過之後，真係有一種深深俾佢吸引嘅感覺，想知有咩原因令我咁愛佢，咁就要繼續睇落去喇﹗

 

大家可以見到啱啱揼出嚟嘅精華，有透明同金黃色兩部分，係因為CLARINS Double Serum採用咗 「水+油」 黃金配方，完美揉合21種高效水溶性&油溶性修護植物萃取，極致發揮5大細胞修護功效：再生、滋養、保濕、活氧&防禦，雙倍激發肌膚修復力量。

輕輕推開精華，水+油配方會立即揉合埋一齊，質地好水潤，一啲油膩感都無，用完皮膚一啲都唔笠，反而保濕又清爽，即使化妝前用，都唔會令底妝起擦膠碎，完全係零負擔。如果有啲朋友用唔慣呢種質地，建設可以試下細細plump咁搽， 逐少逐少加上去，慢慢搵返適合自己肌膚嘅質感。

Double Serum仲有一個特點，就係佢獨有雙管設計，大水滴就係水，而小水滴就係油，將「水+油」雙精華配方以2:1親膚黃金比例調製，等啲精華可以更快滲入到肌底。

我自己好鍾意配合埋按壓手法去搽呢支精華，利用手部嘅熱力，可以令精華吸收得更加快，仲可以提升輪廓同減淡細紋。詳細按壓手法可以參考：https://www.youtube.com/watch?v=MNSOvTLw6uw

質地好舒服，好適合一年四季都用，特別係最近轉季，一踏入秋冬，皮膚特別乾燥，搽完之後，即時可以見到皮膚有返光澤，而且仲非常保濕。我習慣早晚潔面之後，就會即刻搽呢支精華，搽完之後再直接搽埋面霜，唔需要按太耐已經完全吸收曬喇﹗

用完一星期之後，我發現自己嘅皮膚水潤細緻咗，仲減淡埋虎紋同細紋，皮膚更加緊緻，毛孔都收細埋，明顯又彈又滑，望落都無咁顯老添﹗就係因為效果太明顯，所以我就成日keep住用，不知不覺成支用到空瓶添呀﹗

購物禮遇: CLARINS專櫃及官網現已推出3款賦活雙精華節日限定「買1送3」套裝，適合不同肌齡嘅選購，只需$900就能擁有1支50ml Double Serum，以及2款指定皇牌禮品連1個精美化妝袋！ 另外，仲有更多Double Serum優惠套裝喺官網及專櫃發售添。   Link: https://bit.ly/3wzJjAd

話說收到第二期政府消費劵之後，我就開始蠢蠢欲動，購物慾不斷大增，但我由10月一直忍手唔用呢筆錢，原因係我知道11月就係一年一度嘅 Sogo Thankful Week，每年呢個時候，我都會將我平日抑壓住嘅購買慾，一次過發洩出嚟，感覺真係勁爽㗎﹗

一直我都係 Tom Ford 嘅忠實粉，每年Sogo Thankful Week 我都會襯住有優惠去入定貨。今年由  10 月 27日至 12 月 5 日期間，Tom Ford 推出多款香水、化妝品及護膚產品精選套裝優惠，當中除咗由韓國人氣男神玄彬代言嘅 Oud Wood 及 Soleil Brulant 私人調配香水、LOST CHERRY 限量版 氣墊粉底連補充裝外，亦包括能締造高級感妝容 SHADE AND ILLUMINATE 立體柔光粉底液、以粉質幼滑而聞名的經典四色眼影盤等多款皇牌產品，真係非常之吸引呀﹗

今次 Thankful Week 亮點就係呢支最新推出 Most Wanted 裸棕唇色系列，可以打造出常見嘅時尚中性裸唇妝造型，特別首推大熱 #100 Equss & #01 Insatiable ，另有限量新色 #03 West Coast & #N2 Dolce 。

咁多色唔知邊支啱自己﹖宜家大家仲可以隨時透過最新AR虛擬唇妝體驗，輕輕鬆鬆坐喺屋企，已經可以率先一試秋冬大熱唇色。

Link: https://www.youtube.com/watch?v=qbIltgPlNu0

裸棕色系列色澤濃郁高級，霧面質地絲滑持久，既富時尚又充滿型格感，再次為裸唇寫下新定義，有極為襯膚的色澤以及無比奢華嘅質地。紅色包裝最適合聖誕節同新年用，Tom Ford 唇膏真係買極都唔會覺得厭，支支顏色都充滿住驚喜﹗

絲滑質感好易上色，而且滋潤又唔顯唇紋，搽完令個嘴唇好立體，而且今次選擇嘅顏色仲好顯白添，秋冬妝用呢種質感同色澤真係好適合呀﹗

Tom Ford 裸棕色系列唇膏，除咗顏色選擇多又夠顯色之外，佢仲非常持久。宜家成日要戴口罩出街，有時覺得搽完唇膏之後，會沾到成個口罩污糟曬，用呢支唇膏就唔會有呢個問題，搽完之後，除咗口罩都唔會成個唇妝花曬同面青口唇白。

今年 Tom Ford 推出咗紅噹噹嘅 LOST CHERRY 氣墊粉底連補充裝，每次推出限量版粉盒我都會忍唔住買，因為每一款都又靚又型，就算唔用，我都會用嚟儲或者放喺化妝台作為裝飾。

LOST CHERRY 氣墊粉底會配埋紅色絨布袋，可以用嚟保護個case，放喺手袋都唔會咁易刮花同整污糟，真係好貼心呀﹗一set已經包咗粉芯、粉撲同case。

Tom Ford cushion 質地好易推，貼服又持妝，用完唔厚粉之餘仲充滿光澤感添﹗遮瑕度屬於中上，可以遮到毛孔、紅印同色斑。出完一日街返到屋企，膚色都無變黃或者變灰，而且控油功效唔錯，基本上用完全日都唔使再補妝。

一直都好想入手Tom Ford 眼影，今次出咗特別版就入手我嘅第一盒喇﹗今次選擇咗大熱EYE COLOR QUAD，以啡色大地tone為主，基本上咩場合都啱用。

一盒有四隻色，左上角一格係打底用，之後會用右上角一格搽喺上眼簾同下眼線位置，再用左下角一格搽喺上眼簾尾部位置，就完成我平時最常化嘅眼妝。眼影顯色度高，又夠貼，用好少已經足夠，重點係無飛粉問題，唔會搞到眼妝好污糟。

真心已經有2個月無化過全妝，買完成套 Tom Ford 產品即刻化返個全妝同老公去街街。SOGO Thankful Weeks 優惠已經開始喇﹗TOM FORD 嘅香水、化妝品&護膚產品都推出咗精選套裝&體驗裝，我就有以下幾款心水推介，大家都快D去門市或者 E-shop 選購喇﹗ 

LOST CHERRY 限量明星氣墊粉底補充裝套裝 HK$1235 (原價 HK$1685)

~LOST CHERRY 氣墊粉底補充裝 

~限量版 LOST CHERRY 櫻桃粉色霧面氣墊粉底皮套 

~迷你妝前乳 5ml 香水體驗裝 2ml

LOST CHERRY 系列限定唇膏及香水套裝 HK$475 (原價 HK$665)  

~LOST CHERRY系列限定唇膏 #16 SCARLET ROUGE 

~TOM FORD RESEARCH 精華修護液 15ML 

~香水體驗裝 1.5ML

高級定制四色眼影盤套裝 HK$750 (原價 HK$850) 

~高級定制四色眼影盤 #20 Disco Dust 

~啞緻遮瑕粉底液體驗裝 4ML

Tom Ford 有咁多優惠套裝，大家快啲約埋親朋好友去 SOGO Thankful Weeks 2021 嘅 TOM FORD 專櫃 / E-store 購買優惠套裝！

一直都好鍾意日本品牌 THREE 嘅產品，佢哋包裝簡約自然，又不失高端感。而且仲透過植物嘅大自然力量，令心靈、身體、肌膚三方面都得到平衡&滿足。曾經用過品牌嘅粉底液同埋潔顏油，無論質感、功效同味道都令我好難忘。

今次我就試咗佢哋另外3款產品，包括：THREE BALANCING CLEANSING OIL GEL 平衡潔膚蜜、(全新)THREE BALANCING FOAM R 平衡洗顏慕絲R、THREE Solar Tinted Glow Flow 艷陽全效UV粉底液。

THREE BALANCING FOAM R 平衡洗顏慕絲R HK$350/150mL

每日護膚最重要嘅環節一定係潔顏，因為空氣入面有好有污染物同塵埃，佢哋會吸入我哋嘅皮膚入面，喺皮膚表面形成角質層，令到毛孔閉塞，搞到好易會有黑頭、粉刺同暗瘡，而且角質太厚，就算搽幾多靚產品都會吸收唔到，積聚曬喺皮膚表面，反而會引起油脂粒問題添﹗

平衡洗顏慕絲R 蘊含98%天然成份，仲注入多款精華油，質地好Creamy，唔使加水已經有好綿密嘅泡泡。

我早晚都會用佢嚟清潔皮膚，先濕一濕塊面，之後按出2泵份量，輕輕喺皮膚上面打圈按摩，之後過水就已經可以。平時用泡沫狀嘅潔面產品都會覺我勁乾，但呢款產品用完除咗好乾淨同亮澤之外，皮膚keep到好水嫩，仲一啲刺激嘅感覺都無呀﹗

THREE BALANCING CLEANSING OIL GEL 平衡潔膚蜜 HK$375/100g  

蘊含複方植物油、白泥、摩洛哥堅果殼3項潔淨成分，有效卸除彩妝產品之外，仲可以潔淨埋環境所帶來嘅污染物，有效減少角質層，令皮膚得到平衡同健康。

質感好特別，好似吉士達忌廉一樣嘅凝蜜質地，喺皮膚上面輕柔就會轉化成油狀，有效溫和地潔淨彩妝髒污、皮脂污垢、改善阻塞毛孔以及粗糙且暗沉嘅肌膚。

THREE Solar Tinted Glow Flow 艷陽全效UV粉底液 SPF50+/PA++++  共7色  各HK$425/ 30mL

由於疫情關係，宜家成日都會長時間戴口罩，所以選擇底妝產品都會偏向鍾意一啲清爽型嘅產品，而且最好唔駛搽太多嘢喺皮膚上面就最Perfect。艷陽全效UV粉底液一枝就可以做到makeup base、foundation同防曬霜，完全可以滿足到我嘅要求。

艷陽全效UV粉底液質地好水潤，用次前一定要搖一搖，我自己就鍾意1號色，偏向粉紅色嘅膚色tone。

直接用手指搽或者用化妝掃上都會好易推，好貼皮膚，而且仲有修飾瑕疵、提亮膚色嘅功能。

搽咗一層已經可以見到皮膚狀態非常好，貼薄、自然又清爽，夏天用真心一流﹗而且我實測過用完大半日都無咩點脫妝同出油，佢嘅防水防油功效非常好。

Kiehl's 皇牌金盞花系列相信大家都見我分享過好多次，無論我自己同身邊嘅朋友都非常鍾意用呢個系列嘅產品，可以保濕、紓緩同鎮靜肌膚，一年四季都好啱用﹗最近，金盞花系列又增添一款新成員，就係我手上呢一盒「金盞花蘆薈鎮靜保濕凍膜」，我作為忠實用家一定要即刻率先試吓先喇﹗

日常生活相信大家一定會面對唔同嘅壓力問題，壓力會令皮膚急速老化，而Kiehl's 皇牌金盞花系列就可以有效針對肌膚備受壓力困擾的問題，藉住蘊含親膚保濕成分， 迅速又高效地發揮金盞花強大紓緩力量，「暫停」環境壓力對肌膚外在及內在傷害。全系列均蘊含金盞花精華， 能顯著減輕泛紅同其他肌膚不適情況。

金盞花深層潔面泡沫 （Calendula Deep Cleansing Foaming Face Wash） 

建議零售價：HK$285 / 230mL

每日周邊都會有好多污染物會停留喺皮膚上面，所以潔面就成為護膚嘅最重要一項工作。好多時，大家都會覺得用泡沫潔面會令皮膚變得乾燥，而呢支金盞花深層潔面泡沫就有豐富幼細嘅泡沫，能夠徹底清除面部多餘油脂及污垢。由此不含肥皂成分深層清潔配方， 所以有助保護肌膚天然屏障，用完都唔會令皮膚變乾。

呈透明液體狀，用水先濕面部皮膚，之後將潔面泡沫搽上面，輕輕打圈按摩已經可以產生幼滑綿密嘅泡沫。過水之後，皮膚好柔軟同水潤，真係乾淨又舒服。

金盞花植物精華爽膚水 （Calendula Herbal-Extract Toner） 

建議零售價：HK$210 / 125ml ; HK$330 / 250ml ; HK$560 / 500ml

皇牌爽膚水真係一定一定一定要買，無論你係乾肌/油肌/敏感肌都好啱用，不含酒精、人造香料、人造色素及 Paraben 成分， 蘊含金盞花精華、人手採摘原片金盞花瓣&其他天然植物萃取，有效紓緩調理、改善泛紅、平衡水油，改善粉刺同幫助暗瘡疤痕癒合。

每一支金盞花植物精華爽膚水入面都會清楚見到一片片嘅金盞花花瓣，純對天然又溫和，味道清新舒適。

用法非常多，可以配合化妝綿塗上面或者濕敷全面，又可以用個樽仔入啲放喺手袋，皮膚乾或者痕都可以用嚟噴一噴。另外，將爽膚水雪成冰粒，再喺面部皮膚上面轆吓，收毛孔好work㗎﹗

全新金盞花蘆薈鎮靜保濕凍膜 （Calendula Petal-Infused Skin-Calming Mask） 

建議零售價：HK$390 / 100ml

最近成日開冷氣，皮膚好易泛紅同乾燥，而有時曬完太陽，皮膚都會好紅，呢款升級版凍膜配方蘊含 50% 更多蘆薈精華&人手採摘金盞花瓣，水凝霜狀質感瞬間發揮鎮靜紓緩、清涼保濕功效，特別針對泛紅、狀態唔穩定嘅肌膚。

味道好清新，質感好水感，易推又唔黏笠。用途都好多，可以當保濕面膜用，隔日厚敷一次，皮膚可以keep住柔軟保濕。

如果大家化妝覺得唔夠貼的話，化妝前用佢敷一敷，之後會發現個妝勁貼，仲唔會咁易脫妝添﹗另外就係夏天大家成日曬太陽，皮膚會好易曬傷或紅，用佢敷完可以降紅，同紓緩曬傷嘅肌膚。

Kiehl’s Facebook : https://www.facebook.com/KiehlsHongKong
Kiehl's Website: https://www.kiehls.com.hk
Kiehl’s Instagram: https://www.instagram.com/kiehlshk

Kiehl’s Weibo: KiehlsHK  

#KiehlsHK  #肌膚涼茶  #金盞花凍膜  #金盞花治癒急救