與好友相聚於Wing's Kitchen

同好姊妹好耐無見，又係時候要聚一聚，於是相約尖沙咀行街，食飯，順便談下心！想搵間舒舒服服，又可以傾到計嘅餐廳，於是就去之前食過嘅呢間Wing's Kitchen，因為貪呢度坐得舒服又可以傾下計。

今次發現原來餐廳有提供免費Wifi 服務，我覺得好貼心，因為我係流動數據經常會唔夠用嘅人，所以免費Wifi真係對我幾重要架。

晚上8:30去到餐廳，發現全間餐廳都坐滿左客人，好彩我一早已經訂左枱，所以我只需要等大約5分鐘就可以入座啦！不過因為當晚人太多，而且隔離枱有客人慶祝生日，所以就嘈左少少。

我地叫個一份set dinner，有南瓜忌廉湯，我覺得個湯都幾creamy同幼滑，味道甜甜地，而且南瓜香味好清新，所以都唔錯。

今次都係帕爾瑪火腿沙律做頭盆，味道正正常常，蔬菜夠新鮮。

今次都有食西冷牛扒併薯條，上次點6成熟覺得太過熟，所以今次點5成熟。

今次5成熟都做得唔錯，火喉剛好。肉質鮮嫩，口感及味道都算不錯。

另外，又點左安格斯牛肉至尊漢堡併沙律，份量都幾大份，而且成個包都好足料，兩個人食都夠。

裡面的材料好豐富，有蛋、有安格斯牛肉漢堡扒、蕃茄及青瓜。味道真係超好味，一啖咬落去，肉汁就跟住流出來，麵包鬆軟，蔬菜鮮甜，配搭出完美的組合。

完美的一餐，最後當然不少得一份甜品，這次點了我們都喜歡的比利士窩夫配鮮果、雪糕。造型很特別，雪糕球有兩小個，而窩夫就只有一小片，份量不算多，不過飯後吃還是足夠的。味道我覺得還可以，如果窩夫可以脆一點會更好。