唔知大家有無覺得皮膚搽極嘢都好似唔係太吸收，而且好容易乾同出油﹖大家護膚嘅時候會唔會成日都忽略咗化妝水呢個步驟呢﹖我自己就係其中一個，都係因為一個字「懶」。原來用咗化妝水同唔用化妝水，皮膚嘅吸收能力係差好遠架﹗今次會用日本銷量 No.1 嘅兩款全新肌研極潤保濕化妝水同大家做一個小實驗，希望幫到大家了解更多用化妝水嘅重要性同好處。
原來皮膚就好似海綿一樣，每次潔面之後，毛孔入面嘅污垢同油脂被清除後，毛孔亦會處於擴張的嘅狀態，會變得特別脆弱，容易缺水；假如未能把握時機同時為角質層同肌膚底層保濕同鎖水，肌膚往往就會「保而不濕」。
海綿肌實驗正式開始，第一個步驟係只用面霜、第二個步驟係用普通開水、第三個步驟係只用全新極潤化妝水、第四個步驟係用完全新極潤化妝水再搽埋面霜。
根據「海綿肌」護膚理論，大家諗一諗當護膚品遇到乾燥海綿時，由於表面又乾又硬、張力好大，所以護膚品其實好難可以滲透到底層。但當接觸到水分充足又濕潤嘅海綿時，由於海綿表面已被軟化，打開咗吸水通道，所以好容易就可以俾皮膚吸收、擴散同滲透入海綿裡面。第一步驟塊海綿依然好乾、第二步驟稍為好少少，不過保濕時間唔長久、第三驟步保濕更長效，不過依然唔夠脹卜卜、第四步驟海綿保濕又脹卜卜，好似飲飽水一樣。
日本升級配方極潤保濕化妝水，每一滴「新肌研水」都完美揉合四種透明質酸嘅黃金比例，將唔同大小分子結構、特質同功效嘅透明質酸完美結合，能夠滲透至每一吋肌膚。大部分日本女仔喺潔面之後，都會即刻用保濕化妝水，把握幫肌膚保濕嘅黃金時間，加強後續護膚品嘅滲透力，難怪大部分日本女仔啲皮膚都特別水嫩彈滑，真心好羨慕呀﹗
蘊含全新黃金比例配方，質感更水潤、幼滑同埋可以更迅速俾皮膚吸收，揉合4種透明質酸，仲有兩款唔同濃度嘅產品選擇，第一款係「濃潤型」，擁有高分子透明質酸、中分子透明質酸、超級透明質酸同納米級透明質酸，最適合乾性同缺水肌膚。
第二款係「清爽型」，蘊含低分子透明質酸、中分子透明質酸、 超級透明質酸同納米級透明質酸，特別適合中性至油性皮膚嘅朋友。
質感水潤又唔笠真係好啱我，而且用法仲好多元化，等我同大家分享幾個我最鍾意嘅用法呀﹗
急救乾肌法：新肌研水+化妝綿
將「新肌研水」加入化妝綿，之後敷喺特別乾燥嘅位置3-5分鐘，可以即時做到補充水分同舒緩皮膚嘅功效。
深層保濕大法：導入機+新肌研水
使用導入機將「新肌研水」導入肌膚底層，幫助皮膚加倍吸收透明質酸分子，改善缺水同增加皮膚亮澤感。
用完之後，皮膚真係又水潤又有光澤架，保濕度仲提升咗唔少添呀﹗
貼服持久底妝大法：「新肌研水」+BB CUSHION
用2-3滴「新肌研水」 整濕 BB Cushion 嘅氣墊粉樸，再輕輕印落粉芯，好似平日化妝一樣，可以令妝容更加水嫩光澤，而且妝效仲更持久貼服添呀﹗
肌研 極潤保濕化妝水 (濃潤型／清爽型)：售價 $135/170ml
銷售點：各大萬寧、屈臣氏、莎莎及藥房
~~是次產品由品牌提供~~
本文章所發表的全部內容均屬個人意見及感受，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或尋求相關專業意見。如從而引起任何損失或法律糾紛，本人概不負責。
Email：carmen1314124@yahoo.com.hk
沒有留言 :
張貼留言