高級華麗酒店式水平～【唐宮壹號】～

前幾日同4個大學同學出去食飯聚舊，其中一位就話不如去酒樓食飯。極少去港島區酒樓食野，所以都唔知有咩有好選擇。然後就有人提議去合和中心一間叫唐宮壹號嘅酒樓食飯，因為有親戚話佢知唐宮係香港老字號中菜餐館，係國內都擁有好高知名度，今次仲係香港開旗艦店，簡直就係載譽回歸。

去到唐官第一個感覺就係，嘩﹗裝修好華麗呀﹗同一般其他普通嘅酒樓對比之下，好明顯佢就係高一級嘅感覺啦﹗

而且唐宮連餐具擺位都放得好整齊，而且我都係第一次見中式酒樓會有埋刀叉，真係好特別。

一開始就上左一個蟲草燉響螺湯，天氣咁凍，飲完佢真係暖立立。

一打開煲蓋就見到好多料，有雞、響螺同蟲草。

味道好清甜、唔會好油又無味精，正丫﹗ 話就話4人份量，但我地每人至少飲左2-3碗。

前菜方面就叫左南極冰菜沙律，冰菜聽得多，今次就係第一次食，所以覺得好特別。

冰菜配埋麻醬嘅組合真係好fresh，好鮮甜。

跟住食佢地好出名嘅燒乳鴿，每人有半隻，上菜時仲係熱架﹗
皮脆肉嫩，而且聽佢地部長講，乳鴿係佢地自己養架添。

再黎就係呢道錢塘江浸海斑件，每碟都會用火滾住，保持住食物嘅溫度，真係好用心。

海班魚塊肉質嫩滑，加埋上湯一齊煮，無需特別加入調味料已經非常鮮甜。

最後加多一煲腊味飯，嘩份量十足，超級大煲，我地四個人完全食唔曬，剩返半煲打包走。

腊味份量十分，而且一打開煲蓋已經聞到陣陣腊味香味。飯煲底仲有飯焦，真係岩曬我啦！

就咁睇外形仲以為係紅酒，點知原來係藍莓汁，飲落味道好似利賓立，所以我好喜歡。

最後當然唔少得甜品，點左椰皇燉葛仙米。原個椰皇內盛載住椰汁同葛仙米，椰汁味好香濃，而葛仙米嘅口感好得意，好似食緊爆珠粒粒一樣，又爽又清甜，加上暖立立，食完暖晒，岩晒冬天食呀！

今次4人消費平均每人約$500，唐宮壹號的菜式一流，而且味道也十分好味，因此經開灣仔的話，真的需要一試啊！！