上星期同成班好姊妹去尖沙咀行街，行行下覺得又餓又口渴，於是係河內道搵左間叫Playa de Papagayo嘅酒吧餐廳食返個午餐先。
由於我班姊妹個個都係蒲精，日頭都要飲返兩杯先過癮，於是點左鮮什果紅酒同一枝sparking wine比佢地潤下喉先。
首先講下鮮什果紅酒先，口感清新宜入口，紅酒中加入陣陣鮮果的味道，令平日的苦澀味無左，所以連平時唔太喜歡飲酒嘅我都忍唔住要淺嘗一下。
GRAN BARON sparking wine味道香淳，也是非常易入口的，如果唔太喜歡濃烈酒味嘅女生都可以試下飲，口感唔錯架﹗
頭盆方面點左香脆芋頭片 ，有三款唔同的醬汁可以點黎食，有鮮茄醬、牛油果醬同芝士醬。個人黎講最喜歡牛油果醬，味道香濃，呢個菜式用黎餸酒一流。
主菜方面點左碳燒牛肉漢堡配薯條 ，飲酒點可以無薯條呢﹗多肉肥薯條岩岩炸起，好脆好正﹗碳燒牛肉漢堡未食見到已經流口水，超級多芝士流曬出黎，而且塊牛肉漢堡超級厚，食落好多肉汁，好juicy呀﹗
第二個主菜都係牛，成班都係好愛食牛的女人，無牛真係會死架﹗於是點左西班牙香料原條牛仔骨。就咁睇賣相好似一般，但當你將佢切開，你就會知道一定係好野﹗
睇下，唔使兩三下已經可以好完整咁將條牛仔骨切成一片片，見到佢火喉控制得非常好，岩岩好7成熟，而且肉汁超多，食落好肉質好嫩滑，簡直係人間美味呀﹗呢個真係超級值得推介，記得一定要食﹗
仲有第三道主菜就係香煎法國鵝肝雞肉意大利飯 ，意大利飯味道好香濃又好有咬口，而且份量都好大份，5個女仔食都夠食。鵝肝煎到外脆內軟，而且入口即溶，兩者配搭一流﹗
食飽飽又係時候食甜品，今次試左Papagayo自家製焦糖花生雪糕棒，造型好似雪條，但原來係雪糕，差d誤會佢比錯野我地﹗而且焦糖花生味雪糕都係第一次食，我覺得味道好特別啊﹗
今次5個人，每人平均hk$200食左一個lunch，雖然唔算好平，不過食左咁多好物又飲埋酒，真係唔叫貴啦﹗
Playa de Papagayo
尖沙咀河內道5號普基商業中心地下N3號舖
沒有留言 :
張貼留言