與好友吃喝玩樂在【樂園】

前幾日有個朋友仔生日，年年都去唱K飲酒慶祝，今年佢話要搞搞新意思，約晒成班朋友上左一間叫樂園嘅餐廳食飯。

開頭一聽樂園仲以為食麵個間，當堂O左咀，去到發現原來係一間好似Cafe的上樓餐廳。入到去覺得佢裝修得好夢幻同童真，牆上面仲貼左好多客人的開心相片。

餐廳裡面有好多懷舊小玩意同埋棋類比客人玩。

個Menu設計都好得意同繽紛，一睇到個封面已經覺好開心。

我地有20人包左大半場，晚飯時間收費$6000/3小時，呢度包場係自助餐式任食任飲的，每人平均$300，其實真係幾抵食！

呢幾杯飲品都係餐廳推介，其中我最鍾意飲白雪公主，係荔枝益力多冰，酸酸甜甜，幾清涼解渴。

頭盆：松子仁有機蕃茄豆腐沙律

買相幾靚，而且蔬菜也很新鮮，配埋麻醬食，好開胃同fresh。

小食：明太子泡菜釀雞翼拼日式雞軟骨豬肉棒餃子

明太子泡菜釀雞翼非常惹味，肉質好嫩滑，食落泡菜味唔太濃，但有少少辣的味道。

日式雞軟骨豬肉棒餃子，唔會好乾，味道好香濃，而且咬落有少少脆卜卜，幾特別。

主菜：多國香腸拼盤配燒汁

同平日食的德國腸唔一樣，腸的味道唔會太鹹，味道岩岩好，唔錯﹗不過食太多會好"餾"。

主菜：醬燒美國豬仔骨配薯塊

份量適中，不過稍為太熟，但是仍可接受。食落比較乾少少，不過唔會好硬。

主菜：鵝肝黑松露義大利飯
估唔到有咁高級嘅食材，鵝肝好厚下，而且味道好正﹗義大利飯的口感也不錯，好有咬感，味道香濃。

這是【樂園】最出名的怪獸雪糕，來到這樣一定要點，非常經典。什麼都有的巨型雪糕，有四款唔同口味的雪糕，我最喜歡oreo 雪糕，而且有格格脆、棉花糖同埋香蕉，吃完好滿足﹗不過份量實在太多，建議5-6人吃一個就差不多了﹗