平價鮮味放題之選【八幡屋】

今日同好姊姊去旺角行街，買衫褲鞋襪轉季，行到成18:00，兩個都腳軟加餓鬼上身，於是決定去食返個放題，好好補充返D能量先。

開頭唔知食邊間，但見到張海報話$178，即刻諗都唔諗就衝入去食啦。唔個百幾蚊嘅放題會係點嘅呢？一於試下啦！上到去都幾多人排緊隊，所以都放心D。

入到去環境都幾闊落，而且衛生都唔錯。枱上面放左一本薄，裡面有分十款唔同種類嘅食物同飲品，選擇都幾多。

碗筷擺放得好整齊，而且全部印有八幡屋的字樣。

首先點左刺生先，都幾新鮮，而且甜蝦超大隻，好鮮甜，魚生都好肥美，推介比喜歡刺生的人士。

到壽司啦，款式唔算太多，但竟然有海膽壽司，好意外丫！其他壽司都ok，但最好食都係海膽壽司。

小食種類都幾多，味道都唔錯，最推介沙律，因為D菜好新鮮。

炸物方面，即叫即炸，熱辣辣，好味道。最喜歡炸南瓜，又新鮮又爽甜。

最後留肚食甜品，好多款都試下，最好味係泡芙，布甸都好味。不停叫泡芙，食左成5粒。

食埋雪糕同雪糕糯米滋，好飽啦！百幾蚊都可以食兩個小時，都幾抵食，而且食物質素亦唔錯，下次可以再食。