尖沙咀簡單浪漫情懷@Wing's Kitchen

上星期同男朋友出尖沙咀行街街，行到咁上下覺得肚仔餓，之後見到呢間Wing's Kitchen嘅西餐廳入面環境好似幾浪漫，於是就決定入去試下啦﹗

入到去燈光昐暗，都真係幾浪漫呀﹗而且座位好寬敞，兩個人坐一張四人枱，所以都幾舒服。望一望個餐牌，見set dinner 二百蚊到都幾抵，所以就點左兩份。

首先餐湯方面點左忌廉粟米湯，入面有一粒粒嘅粟米粒。，味道香濃又帶點清甜。

再來一個帕爾瑪火腿沙律，沙律裡的菜好新鮮，而且配埋酸酸甜甜嘅olive 汁，特別醒神開胃。

來到主菜，這個帶子意大利飯是我選的，因為我是帶子迷，有帶子的餸菜都會特別吸引我。帶子好大粒，味道好鮮甜。另外，意大利飯好有咬口，味道也十分香濃，好正的一款菜式，值得一試。

另一個主菜是食肉獸男朋友的最好西冷牛扒併薯條，叫左6成熟，我覺得熟左少少，但肉質都算幾鬆軟，味道也是不錯的。薯條上枱時還是熱呼呼和脆卜卜的，好味道。

最後到甜點，這晚的甜點是朱古力布甸，朱古力味不太夠，但味道不會太甜，作為飯後甜品，我覺得還不錯啊﹗

是次晚餐價錢為hk$446，不用hk$500就能夠於尖沙咀享用到一餐既浪漫又美味的晚餐，也太化算了吧﹗