荃灣休閒西式餐館之Olive Cafe

聖誕節期間趁著放假有時候就去了荃灣探家姐，順便去佢新屋參觀一下。到左夜晚就同家姐、姐夫、老公，一行四人去家姐屋企附近食晚飯。行行下，係新領域廣場地下見到有間Olive Cafe門口佈置得幾靚，而且見到入面都幾多人食緊野，所以就決定要試下了。

Olive Cafe當然就係食西餐，不過望下個餐牌，見到佢地D菜式都幾fushion ，有好多西方唔同國家嘅菜式，我覺得都幾特別丫﹗

頭盆方面係煙三文魚他他伴木瓜牛油果

顏色繽紛，而且有好多唔同配料，例如：青/紅/黃椒、煙三文魚、木瓜粒及牛油果，配上芒果汁，成個口感都好fresh，而且酸酸甜甜，食完之後真係特別開胃呀﹗

煙肉焗蠔3隻同芝士蟹肉焗蠔2隻

只係外形已經非常吸引，每隻蠔上層都焗到好金黃，未食已經流曬口水。

我選擇左芝士蟹肉焗蠔，芝士味香濃但又不會遮蓋左蠔嘅鮮味，不過我覺得加左蟹肉好似就多左D野咁，其實蟹肉真係可有可無都無問題。

主菜點左雞肉薄餅

份量都幾大下，而且好多配料，上菜嘅時候仲係好熱架，好明顯係即叫即做。

個餅底好薄，仲好脆，正丫﹗ 食落唔多覺得有雞肉味道，不過芝士味就好香濃，而且口味仲有少少辣辣地，好味﹗

海鮮大會二人份量

我覺得唔似二人份量，我地四個食就岩岩好FIT曬。有好多唔同嘅海鮮，例如：青口、蜆肉、大蝦、龍蝦仔、魚同薯仔，配埋個蕃茄醬，味道真係好濃郁，連D薯仔吸左D汁都特別好味D。

至於海鮮方面就食唔出新唔新鮮，因此始終用左醬汁煮，只可以話正常。不過我覺得咁樣煮好特別，所以非常推介比鍾意食海鮮嘅人點呢個菜，相信大家都會喜歡。

今次晚餐每人大約HK$200，我覺得價錢好合理，而且食物水準唔錯，環境亦都好舒適，下次去荃灣一定會再試下佢其他嘅野食。