【越棧】好足料的特別牛河

今晚做完facial已經差不多成晚上十點，周圍食市都已經打烊，只係得返一個個選擇就係越棧，唯有入去食個晚餐啦！

點左個特別牛河，好大碗下，材料都幾足，有牛腩、牛肉、紥肉同牛肚，牛肚同紥肉都好爽口下，牛肉就有少少「鞋」，牛腩都幾淋。味道唔錯，不過個湯底好多味精下，食完好口渴。

蘿蔔，幾甜同好淋，唔錯！之前食過佢D蘿蔔好多渣同老，今次有進步！

叫左杯燈梳打，好甜下，唔係太好飲！

埋單$70，都算幾抵食，下次會再食的。