我要挑戰金田家九洲拉麵王比賽

今日同朋友經過銅鑼灣登龍街，見到金田家有一個【決戰九州拉麵王】比賽，頭獎仲要係日本九州雙人來回機票，所以就衝左入去食啦。

原來呢個比賽係要戴住拳套黎食架，老實講，好難揸到筷子夾丫，所以我最後決定放棄。

我叫左一碗至尊叉燒拉麵，一睇有成5塊叉燒，仲要塊塊都勁大塊，而且咬落好淋又入味。我落單果時要求左要硬麵，麵食落好彈牙，個湯底好甜好濃郁，不過多左少少油。

拉麵好有得意，係幼身架，同平日食果D唔一樣。成碗食曬，下次要再食過。一碗$98，都幾抵食丫﹗