上個星期日，同四個舊同事出去銅鑼灣食飯聚舊，大家都好想食泰國菜，於是經其中一位朋友介紹下，去左位於世貿中心嘅Sio 18 THAI食lunch啦。這間泰國餐廳聽說是吃泰北風味的食物，跟平日常吃的不同，所以真的很期待什麼是泰北風味是怎樣的。
出面天氣太熱啦，一坐低要即刻叫返杯冰凍飲品，涼快下。見到佢地有個椰菁特飲幾特別，於是叫左一杯黎試下。杯野飲送到黎，原來係椰菁刨冰，味道好清甜，口感好滑溜，而且非常冷涼，正丫﹗
第一款小食，我地點左炭燒豬頸肉，肉質燒完唔會好乾，好juicy ，點埋個醬汁一齊食，真係非常好味。
第二度菜是燒牛肉，火喉控制剛好，牛肉好淋唔多汁，又係超級好味架。
食泰國菜又點少得生蝦呢﹖一碟有六隻，每隻生蝦上分別放了紅辣椒及青辣椒，兩隻都好辣，但生蝦好爽甜，蝦肉好彈牙。
第一次食泰國菜有咁名貴嘅材料，鮑魚沙律，造型好似一朵蓮花。材料方面有荀和鮑魚，原本諗住唔會有太多鮑魚啦，點知原來都幾多下，而且好淋，酸酸辣辣好開胃。但我個人不太喜歡吃筍，因為好似有D「鞋」，又無咩味，所以唔係好岩我胃口。
中式花膠食得多，泰式燉花膠還是第一次。一窩可以分到四大碗，碗碗都有大大塊花膠，真係用料十分呀﹗加入芽菜同泰國魚露來吃，味道同平時食嘅中式花膠差唔多，不過味道很正嘅﹗
食飽飽又係時候食租品，我地點左一份千層糕，上枱時還是熱呼呼的。清香的椰汁味，咬落好軟熟，而且唔黏牙，好味。
平均每人收費約$300
沒有留言 :
張貼留言