黃大仙探親暨親友飯聚@Olive Era

上星期日，一家人約好到三叔位於黃大仙崇山的住所探望剛滿月的堂妹，晚上再相約姑姐、姑丈、三叔一家三口及我們一家五口，總共十人，到三叔住所下的西式餐廳「Olive Era」進食晚飯。

到達餐廳門外，看見有室外和室內的座位可以選擇，但由於天氣太熱，最後我們還是選擇了室內的座位。餐廳方面安排了一張長方形的大枱給我們，座位方面非常寬敞，坐得非常舒服。

餐廳內的環境燈光柔和，點着蠟燭，有一種浪漫的感覺；而且非常寧靜，我們可以一邊吃飯一邊聊天。

先介紹一下前菜及頭盆

頭盤方面：大家都係過下口癮，所以叫左海鮮雪山拼盆 (兩人用份量) HK$268，有虎蝦、蜆、青口、北寄貝、小龍蝦、煙三文魚及海螺。刺生的份量不是太多，每人可以夾到一至兩件左右。味道方面好鮮甜，肉質爽脆，沒有腥味。

醬料包括：Lime Remoulade, Spice Cocktail Sauce and Fresh Lemon

餐包是免費每人提供一個的，口感幾軟熟，而且有兩款可以選擇，配埋個醬食，不錯啊﹗

是日餐湯係椰菜花忌廉湯 HK$38

味道鹹啖適中，口感幼滑。不過配料比較少，味道還可以吧，不過不失﹗ 

香草焗法式田螺配蒜香多士 HK$234

呢個菜式味道唔錯，配埋脆卜卜多士食口感一流。不過田螺得好少，而薯蓉就比較多。

香煎蟹餅配青檸醬 HK$255

呢個正﹗因小女子最愛食蟹，外脆內軟，啖啖新鮮蟹肉，一流啊﹗

到主菜了

北京煙烤鴨薄餅 HK$128

抵食夾大份，做法特別，中西合壁，好似食緊北京填鴨PIZZA，好新鮮的食法。PIZZA底好薄好脆，配埋青瓜絲同長蔥食，好FRESH 。

墨魚汁西班牙海鮮飯 HK$158

超級多料，而且海鮮好鮮甜，墨魚汁飯好黏，好有咬口，我好喜歡，但食完D墨汁好難抹走^^"

酥皮焗茴香砵酒燴牛臉肉 HK$198 

切開酥皮，肉汁同牛臉肉一齊流出黎，睇見都流口水。聞落仲好香，牛臉肉原來超級淋架，而且好入味，加埋個醬伴來食，超級正。

香燒比目魚扒跟檸檬香草汁 HK$178

超級推介精選食品，平日唔多食魚嘅我，一試完之後停唔到口。味道十分讚，沒有魚腥味，肉質好彈牙，魚皮仲脆卜卜，唔可以唔食囉﹗

炭燒美國極佳牛扒(兩人份量)  30 OZ HK$468

嘩﹗咁樣叫做二人份量，真係嚇死我，我覺得一份四至五人都夠食，再加埋兩粒大焗薯，真係超級飽。牛扒肉質唔錯，幾淋，不過炭燒有點乾，肉汁唔多夠，所以我覺得只可以用一般來形容。

意式焗西班牙猪肉眼扒 HK218

我未食過咁好味嘅豬扒，超淋，而且咬落好JUICY，好味到難以形容。

甜品及飲品

法式焦糖燉蛋 HK$35

造型好靚，甜味剛好，而且燉蛋火喉控制佳宜，食落好幼滑，YUMMY﹗

STRAWBERRY SURPRISE HK$38
酸酸甜甜，幾開胃。口感好幼滑，而且帶一D CREAMY嘅感覺，幾特別。

是次10人晚餐加10%小費，平均每人消費為 HK$300。這個價錢就能夠享用多種不同的菜式及舒適的環境，其實幾物超所值架，下次會再來的。

OLIVE ERA
地址：黃大仙睦鄰街8號現祟山商場地下G1-G2號舗
電話：2111-2568