食過翻尋味韓國菜@梨滿園

偽韓妹子又出動啦﹗今次又捉埋老公一齊陪我食韓國野，前排成日聽同事講旺角女人街有一間又平又好食嘅韓國餐廳叫梨滿園，於是已經一直好想試，咁岩新年個排同老公出開旺角睇戲，於是終於去食左一餐。

一埋位已經感覺良好，因為有6小碟擺滿係枱，顯得出餐廳非常有誠意，味道好正宗，同去韓國當地餐廳食個D好似，而且重點係可以無限添加，正丫﹗

點左生牛肉，講真我第一次食生牛肉，其實有D驚驚地，不過老公話好正，所以最終都係試左。試左一啖之後，我發現原來生牛肉係好好味架﹗肉質鮮嫩，而且沒有腥味，配埋梨肉，感覺好FRESH丫﹗

聽朋友講去梨滿園食野，一定要點水冷麵，於是當然唔好錯過啦。食肉獸老師一睇見，即時黑面。不過唔理佢啦，我有我食，加醋食，感覺酸酸甜甜勁開胃，而且口感好彈牙，感覺清新。

食韓國野當然要食燒肉，今次點左烤牛肉同特選牛肋骨(無醃)，HK16

8/350g，真係平到笑，可以話係大件夾抵食，而且肉質鮮嫩，見到已經流口水。

烤牛肉肉質嫩滑又入味。而特選牛肋骨肉汁鮮甜，而且口感一流。

最後，愛食帶子的我，當然要點鮮帶子啦﹗珍寶size的帶子，一客7粒，只需hk128，你話係咪抵先﹖帶子好爽脆及鮮甜，燒完外脆內軟，真係正到暈了﹗